الحلقة 9من مسابقة سمعتى كلام الحبيب .. طيب يلا نطبقه ، كل سنة وإنتم طيبين

الحلقة 9 :

[b]( حفظ اللسان )

[b]يا ترى صايمة النهاردة ؟

زمانك بتقولي إيه المجنونة دي

[b]طبعا صايمة والحمد لله وهو ده سؤال ؟

[b]بالراحة شوية عليه ، مش قصدي صايمة عن الأكل والشرب ، كلنا صايمين عنهم

المهم لسانك صايم كمان ؟

فعن أبي هريرة رضي الله عنه قال : " من لم يدع قول الزور والعمل به ، فليس لله حاجة في أن يدع طعامه وشرابه ". رواه البخاري

أي من لم يترك قول الكذب والعمل به فمفيش فايدة من صيامه، فالصيام بينقّي القلب لأنه مش مجرد امتناع عن الطعام والشراب كان يبقى سهل ،

بل هو أيضًا امتناع عن معصية الله
مش ربنا سبحانه وتعالى قال عن الحكمة من الصيام " لعلكم تتقون " ؟

وعن أبى هريرة رضي الله عنه تعالى أيضا أن رسول الله صلى الله عليه وسلم قال :

"الصيام جنة فلا يرفث ، ولا يجهل ، و إن امرؤ قاتله أو شاتمه فليقل: إني صائم مرتين ،و الذي نفس محمد بيده لخلوف فم الصائم أطيب عند الله من ريح المسك ، يترك طعامه وشرابه وشهوته من أجلى، الصيام لي وأنا أجزى به، والحسنة بعشر أمثالها." رواه البخاري

شوفتي ؟ صيامك مش هيكمل من غير ما تعملي الحاجات دي كلها.

لازم صيام عن الكلام الفاحش ( لا يرفث ) ، وعن الزعيق والسخرية والاستهزاء بالناس ( لا يجهل ) ، ولو واحدة بتتلكك ونفسها تتخانق

أصل حجتنا جاهزة في رمضان ( خلقي ضيق علشان صايمة )

أصدقك ولا أصدق رسولك ؟
ما تصلي عليه

صلى الله عليه وسلم

رسولك بيقولك الصيام جنة

يعني وقاية وسترة من المعاصي لأنه بيكسر الشهوة ويضعفها

يبقى بتضحكي على نفسك لما بتقولي إن الصيام هو اللي معصبني

أنا تهت ، إحنا كنا بنتكلم في إيه أصلا

آه افتكرت

لو واحدة عايزة تضيع صيامها وتتخانق هتعملي معاها إيه ؟

الله ينور عليكي

كده تمام

تقولي
اللهم إني صائم اللهم إني صائم

كفاية كده النهاردة

نتقابل بكرة لو ربنا أحيانا

توقــــــــــــــــــــــــــــــــــــــــــــيعي:
<DIV align='\"center\"'></DIV>

جزاك الله خيرا

توقــــــــــــــــــــــــــــــــــــــــــــيعي: