منتدى استثنائية
أهــّـلآ وسـَهلا بيكي زآئــرتنـآ الحـَبيبة ..
نـَرجـّوآ ان ينــآل مـنتدآنـآ اعجـآبكـُم ~
ويـَـآريت تزينـى المــنتدى بإسمـك وتشتــَركي فيــه ّ .. نـَورتينـآ يَ قمــَر ♥️



 
الرئيسيةالبوابةس .و .جبحـثالتسجيلدخول

شاطر | 
 

 أحاديث ضعيفة مشهورة وبدائلها الصحيحة ( 3 )

اذهب الى الأسفل 
كاتب الموضوعرسالة
زهرة
الرتبة : آنسة نشيطة
الرتبة : آنسة نشيطة
avatar

الأوسمة :
91
0
تاريخ التسجيل : 24/02/2011
الموقع : http://flowerlive.allahmountada.com/forum

مُساهمةموضوع: أحاديث ضعيفة مشهورة وبدائلها الصحيحة ( 3 )   الأحد يوليو 22, 2012 2:35 pm


الحلقة الثالثة :
حديثنا النهاردة بنسمعه كتير لما نيجي نشجع حد إنه يسارع في فعل الخير وخصوصا ساعة الزواج
افتكروا كده معايا

أيوه الله يفتح عليكم

"خيار البر عاجله " _ وفي لفظ " خير البر عاجله "
الراوي: - المحدث: العجلوني - المصدر: كشف الخفاء - الصفحة أو الرقم: 1/461
خلاصة حكم المحدث: ليس بحديث

صحيح لازم كلنا نبادر ونعجل في فعل الخير كله سواء للزواج أو غيره
بس هل إحنا محتاجين نعمل كده واحنا معتمدين على حديث ضعيف ولا عندنا من الأحاديث الصحيحة ما يغنينا عن الضعيف؟






مش انتي بتحبي رسولك ؟ مش نفسك ترضيه؟ مش نفسك تعملي الخير اللي أمرك بيه ؟

طيب ليه تسيبي كلامه وتروحي لغيره ؟

احنا عندنا حديث صحيح ركزوا معايا فيه علشان مهم جدا

" بادروا بالأعمال فتنا كقطع الليل المظلم . يصبح الرجل مؤمنا ويمسي كافرا . أو يمسي مؤمنا ويصبح كافرا . يبيع دينه بعرض من الدنيا "
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 118
خلاصة حكم المحدث: صحيح




شوفتي؟
متأخريش عمل الخير أبدا
إياكي والتسويف بلاش كلمة سوف دي الله يرضى عنك
تقولي مجتش على يومين هستنى لبداية الأسبوع أو من أول الشهر أحسن

خلي بالك محدش ضامن بكره
ربنا يديكي طول العمر في عمل صالح بس حد فينا ضامن النفس اللي دخل يخرج تاني ؟
مش كده بس
مابين غمضة عين وانتباهتها يغير الله من حال إلى حال انتي دلوقتي قادره على فعل الخير ومش عارفه ايه اللي ممكن يحصل بكره
يارب يكون خير واحسن من دلوقتي بس كل شيء ممكن يحصل


وعلشان كده اغتنمي الصحة قبل المرض
والغنى قبل الفقر
والشباب قبل الهرم
والأمن قبل الفتن

وخلي بالك الأخيره دي مهمة جدا





بس يعني ايه فتنه؟
الفتن جمع فتنة، وأصل الفتن الاختبار وإدخال الذهب في النار لتمييز جيده من رديئه وإزالة خبثه، هذا أصله، وبعد كده صار هذا اللفظ يطلق على أشياء، وأكثر ما يطلق عليه معنى الاختبار والابتلاء الذي هو الاختبار


شايفة اللي بيحصل حوالينا ؟
ننام ونصحى نلاقي فتن جديدة حروب و فتن اقتصادية وسياسية وأخلاقية
و دعوات الباطل المختلفة من دعوات البدع ودعوات الكفر، و الدعوات إلى الحرام، والدعوات إلى البدع الاعتقادية والعملية، أو الدعوات إلى الفجور والمعاصي
وكمان الفتن المعنوية، فتن الشهوات وفتن الشبهات
هي فتن من جهة أنها فيها ابتلاء، تعرض الإنسان لها ابتلاء، ومن جهة أنها تفتن من لا بصيرة له أو لا صبر له، تفتنه وتصرفه عن دينه، وتصده عن هدى الله.

هذه الفتن واضح من وصفها « كقطع الليل المظلم » أنها فتن تصد وتعوق عن الأعمال الصالحة، وتصد عن سبيل الله، فتن مظلمة، شبهها الرسول بقطع الليل المظلم الشديد الظلمة السواد « كقطع الليل المظلم »

فتن ممكن تخلي المؤمن كافر والعياذ بالله





بس عارفه إيه اللي ممكن ينجيكي منها بأمر الله؟

إنك تبادري إلى فعل الخير
فلما تبادري إلى فعل الخير قبل الفتن ربنا ينجيكي منها لما تحصل

اللهم نجنا من الفتن ما ظهر منها وما بطن

اوعي تأجلي عمل خير من اللحظة دي
ربنا يتقبل منك ويجعله في ميزان حسناتك
نتقابل بكره بإذن الله

توقــــــــــــــــــــــــــــــــــــــــــــيعي:
<DIV align='\"center\"'></DIV>
الرجوع الى أعلى الصفحة اذهب الى الأسفل
 
أحاديث ضعيفة مشهورة وبدائلها الصحيحة ( 3 )
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى استثنائية :: اسلاميات :: الحديث الشريف...-
انتقل الى: